آصف اقبال
آصف اقبال
آصف اقبال: آل رائونڊر ڪرڪيٽر آصف اقبال ولد مجيد اقبال رضوي 6 جون 1943ع تي حيدرآباد (گڏيل هندستان) ۾ جنم ورتو. ورهاڱي کان پوءِ سندس خاندان لڏي اچي ڪراچيءَ ۾ رهيو. ايس. ايم ڪاليج ڪراچيءَ مان تاريخ ۽ معاشيات ۾ ايم. اي جون ڊگريون حاصل ڪيون. 1964ع ۾ آسٽريليا خلاف پھرين ٽيسٽ مئچ سيريز کيڏيو. 1967ع ۾ انگلنڊ خلاف سيريز ۾ پھرين ٽيسٽ سينچري 146 رنسون ٺاهيون. 1967ع ۽ 1975ع ۾ ڪرڪيٽ جي عالمي مقابلن ۾ پاڪستاني ٽيم جي ڪپتاني ڪئي. 1979ع ۾ ٽيم کي سيمي فائنل تائين پھچايو. 80/1979ع ۾ ڀارت خلاف ٽيسٽ سيريز ۾ پڻ پاڪستاني ٽيم جو ڪپتان رهيو. هن آخري ٽيسٽ مئچ 1980ع ۾ انڊيا خلاف ۽ آخري هڪ روزه مئچ 1979ع ۾ ويسٽ انڊيز خلاف کيڏيا. هن 1964ع کان 1980ع جي عرصي ۾ پاڪستان لاءِ 58 ٽيسٽ مئچ ۽ 10 هڪ روزه بين الاقوامي مئچ کيڏيا، جن ۾ هن جو 11 سنچرين سميت وڌ ۾ وڌ اسڪور 175 آهي. ان کان علاوه ڪرڪيٽ جي رٽائرمينٽ کان پوءِ ICC پاران ڪجهه مئچن ۾ ريفري طور پڻ ذميواريون نڀايون
لفظ آصف اقبالھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1943.06.06 عيسوي
آل رائونڊر ڪرڪيٽر آصف اقبال ولد مجيد اقبال رضوي 6 جون 1943ع تي حيدرآباد (گڏيل هندستان) ۾ جنم ورتو.
شخصيتون - ڀاڱي جون ٻِيون داخلائون
شيما ڪرمانيامداد محمد شاهه
جاويد شيخ
الهداد جهنجهي
اعظم خان
پاٽائي مخدوم حسن الله صديقي
راج پٽ چندر برهمڻ
امير ابڙو
تراب لاڙڪاڻوي
ڀڳوانداس ميرچنداڻي